Cambodian Red Cross - assisting the vulnerable though the provision of health services, disaster management and promotion of humanitarian values.

សេចក្ដីថ្លែងការណ៍ ៖ ទិសដៅអភិវឌ្ឍរបស់កាកបាទក្រហមកម្ពុជា

-ថ្ងៃទី ២៩ ខែ សីហា ឆ្នាំ ២០០៩ នៅព្រះរាជតំណាក់ខេត្ដសៀមរាប ព្រះករុណា
ព្រះមហាវីរក្សត្រ ព្រះវររាជបិតាជាតិខ្មែរ និង សម្ដេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្ដិយស កាកបាទក្រហមកម្ពុជា បានទ្រង់សព្វព្រះរាជហឫទ័យយាងជួបសំណេះសំណាលសួរសុខ-ទុក្ខព្រមទាំងចែកព្រះរាជអំណោយកាកបាទក្រហមកម្ពុជា ជូនដល់គ្រួសារប្រជារាស្ដ្រទីទ័លក្រ និងចាស់ជរាគ្មានទីពឹង ចំនួន ២៨៩គ្រួសារ ដែលមកពីក្រុង និងស្រុក ទាំង ១២ នៃខេត្ដសៀមរាប ក្នុង នោះមានមកពីក្រុងសៀមរាប ចំនួន ៣៧ គ្រួសារ ស្រុកជីក្រែង ៣៥គ្រួសារ ស្រុកសូទ្រនិគម ២៨ គ្រួសារ ស្រុកប្រាសាទបាគង ២២គ្រួសារ ស្រុកស្វាយលើ ១៥ គ្រួសារ ស្រុកបន្ទាយស្រី ១៨ គ្រួសារស្រុកអង្គរធំ ១២គ្រួសារ ស្រុកពួក ៤០ គ្រួសារ ស្រុកអង្គរជុំ ២១គ្រួសារ ស្រុកវ៉ារិន ១៥ គ្រួសារ ស្រុកក្រឡាញ់ ២៨ គ្រួសារ និងស្រុកស្រីស្នំ ១៨ គ្រួសារ។ គ្រួសារនីមួយៗ ទទួលបាន អង្ករ ៣០ គ.កមីយើង ១ កេសតូច ត្រីខ ១០ កំប៉ុង សារុង ១ ក្រមា ១ មុង ១ភួយ ១ នំប៉័ងបាក់យ៉ុង ២ ដើម ទឹកសុទ្ធ ២ ដប និង ថវិកា ៥ ម៉ឺនរៀល ។ក្នុងព្រះរាជពិធីចែកអំណោយនេះ ក៍មានការអញ្ជើញដង្ហែរដ៍ខ្ពង់ខ្ពស់ពីសំណាក់ លោកជំទាវ ប៊ុន រ៉ានី ហ៊ុនសែនប្រធានកាកបាទក្រហមកម្ពុជា ព្រមទាំង ឯកឧត្ដម លោកជំទាវជាសមាជិក-សមាជិកាគណៈកម្មាធិការកណ្តាល គណៈកម្មាធិការសាខាខេត្ដសៀមរាប និងភរិយាឥស្សរជនថ្នាក់ដឹកនាំជាន់ខ្ពស់នៃរាជរដ្ឋាភិបាលកម្ពុជា ជាច្រើនរូបទៀត។

សូមអរគុណ !