គណកម្មការរៀបចំទិវាពិភពលោកកាកបាទក្រហម អឌ្ឍចន្ទក្រហម៨ឧសភា លើកទី១៤៩ បើកកិច្ចប្រជុំលើកទី១
ប្រធានគណៈកម្មាធិការរៀបចំទិវាពិភពលោកកាកបាទក្រហម អឌ្ឍចន្ទក្រហម ៨ឧសភាលើកទី១៤៩ សម្តេចចៅហ្វាវាំង គង់ សំអុល បានធ្វើជាអធិបតីភាព នៅក្នុងកិច្ចប្រជុំលើកទី១កាលពីរសៀល ថ្ងៃទី១៦ មករាឆ្នាំ២០១២ នៅទីស្នាក់ការកណ្តាលកាកបាទក្រហមកម្ពុជា ដោយមានការអញ្ជើញចូលរួមពីសមាជិក សមាជិកាគណៈកម្មការ អនុគណៈកម្មការទាំងអស់។
កិច្ចប្រជុំផ្ដោតការយកចិត្តទុកដាក់លើការណែនាំអំពីតួនាទី និងភារកិច្ចរបស់គណៈកម្មការ អនុគណៈកម្មការទាំង៤ដើម្បីឱ្យការប្រារព្ធទិវានេះប្រព្រឹត្តបានដោយជោគជ័យ។ តួនាទី និងភារកិច្ចរបស់គណៈកម្មការ អនុគណៈកម្មការនិមួយៗរួមមាន៖ អនុគណៈកម្មការខ្លឹមសារ ពិព័រណ៍និងផ្សព្វផ្សាយមានភារកិច្ចត្រួតពិនិត្យលើអត្ថន័យខ្លឹមសារនៃពិធីជារួម គ្រប់គ្រងកម្មវិធីសំណួរ-ចម្លើយតាមទូរទស្សន៍ចងក្រងឯកសារនិងពាក្យស្លោកដែលត្រូវចេញផ្សាយរូបភាពសកម្មភាពវីដេអូ ព្រឹត្តប័ត្រផលិតនិងចែកចាយឯកសារប្រកាសព័ត៌មាន ព្រាងចងក្រងសុន្ទរកថាថ្នាក់ដឹកនាំ របាយការណ៏ជាភាសាខ្មែរ និងអង់គ្លេស ទំនាក់ទំនងសម្របសម្រួលជាមួយភ្ញៀវអន្តរជាតិមកពីក្រៅប្រទេស និងគ្រប់អនុគណៈកម្មការនិងកន្លែងពាក់ព័ន្ធដើម្បីមុខការ រៀបចំពិព័រណ៍ខ្លឹមសារបដា។
អនុគណៈកម្មការរដ្ឋបាលហិរញ្ញវត្ថុនិងផ្គត់ផ្គង់ មានភារកិច្ចរៀបចំលិខិតរដ្ឋបាលគ្រប់យ៉ាងលិខិតអញ្ជើញតំណាងសាខាតំណាងពីចលនា ក្នុងនិងក្រៅតំបន់ ធ្វើកំណត់ហេតុរាល់ការប្រជុំដែលមានពាក់ព័ន្ធនិងការរៀបចំពិធី រៀបចំប្រមូលនិងចងក្រងគម្រោងចំណាយពីគ្រប់អនុគណៈកម្មការ ធ្វើរបាយការណ៍ទូទាត់ចំណាយជូនគណៈកម្មការរៀបចំ ផ្គត់ផ្គង់សម្ភារៈបរិក្ខារ តាមគម្រោងស្នើសុំ និងតម្រូវការចាំបាច់របស់អនុគណៈកម្មការនីមួយ។
អនុគណៈកម្មការពិធីការ-បដិសណ្ឋារកិច្ច-តុបតែង មានភារកិច្ចទំនាក់ទំនង និងសម្របសម្រួលជាមួយគ្រប់អនុគណៈកម្មការលើកការងារពាក់ព័ន្ធ និងអនុគណៈកម្មការសន្តិសុខ សណ្ដាប់ធ្នាប់ និងសង្គ្រោះបឋម មានភារកិច្ចរក្សាសន្តិសុខ សណ្ដាប់ធ្នាប់ជូនអង្គពិធី ទំនាក់ទំនងសម្របសម្រួលជាមួយមន្ទីរពេទ្យ ពាក់ព័ន្ធនិងរៀបចំឱសថនិងរថយន្តសង្គ្រោះសម្រាប់ប្រចំការក្នុងអង្គពិធី។
អត្ថបទដោយ៖ លោក ហូត ចេងឆាយ
ធ្វើបច្ចុប្បន្នភាព ថៃ្ងទី ២០ ខែ មករា ឆ្នាំ២០១២
