|
|||||||||||||||||
|
ទិវាពិភពលោកប្រយុទ្ធ នឹងជំងឺអេដស៍ ១ ធ្នូ ២០១១
សន្ទរកថារបស់ លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ភាសាខ្មែរ សន្ទរកថារបស់ លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ភាសាអង្គគ្លេស 
ក្រោយពីបានបញ្ចប់ពីធីទិវាពិភពលោកប្រយុទ្ធនឹងជំងឺអេដស៍ លោកជំទាវកិត្តិព្រឹទ្ធបណ្ឌិត ក៏បានបន្តដំណើរចុះ ទៅសួរសុខទុក្ខបងប្អូនដែលផ្ទុកមេរោគអេដស៍ នៅវត្តក្រពើហា ទីរួមខេត្តកណ្តាល ចំនួន ៣០៥ គ្រួសារ។ លោកជំទាវកិត្តិព្រឹទ្ធបណ្ឌិត បានសម្ដែងនូវការចូលរួមរំលែកទុក្ខដល់អ្នកផ្ទុកមេរោគអេដស៍ទាំងអស់ និងបានលើកទឹកចិត្តដល់អ្នកផ្ទុកមេរោគអេដស៍ទូទាំងប្រទេស សូមកុំឱ្យអស់ក្តីសង្ឃឹម ព្រមទាំងសូមឱ្យ ជួយបន្តផ្សព្វផ្សាយអំពីមេរោគអេដស៍ជំងឺអេដស៍ ដើម្បីចូលរួមជួយកាត់បន្ថយអត្រាឆ្លងដល់អ្នកផ្សេងទៀត។ លោកជំទាវកិត្តិព្រឹទ្ធបណ្ឌិត ក៏បានអំពាវនាវដល់ស្ត្រីដែលមានផ្ទៃពោះទាំងអស់សូមទៅពិនិត្យសុខភាព និងសម្រាលកូននៅមន្ទីរពេទ្យបង្អែកដែលមានពេទ្យប្រកបដោយជំនាញច្បាស់លាស់ ជាពិសេសស្ត្រីមានផ្ទៃពោះ ដែលផ្ទុកមេរោគអេដស៍ ត្រូវធ្វើការសម្រាលកូននៅមន្ទីពេទ្យបង្អែក និងត្រូវទទួលថ្នាំការពារឱ្យបានទៀងទាត់ ដើម្បីអោយសម្រេចបាននូវគោលដៅសហស្សវត្សក្នុងឆ្នាំ ២០១៥ ខាងមុចនេះ៕ 
អត្ថបទដោយ ៖ លោក តាំង សាមឿន ធ្វើបច្ចុប្បន្នភាព ថៃ្ងទី ០២ ខែ ធ្នូ ឆ្នាំ២០១១ |
|
|||||||||||||||
|
|||||||||||||||||
នៅព្រឹកថ្ងៃទី ១ ខែ ធ្នូ ឆ្នាំ ២០១១ នេះ លោកជំទាវបណ្ឌិត ប៊ុន រ៉ានី ហ៊ុនសែន ឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំប្រចាំតំបន់ អាស៊ី-ប៉ាស៊ីហ្វិក ចំពោះការឆ្លើយតបមេរោគអេដស៍ ជំងឺអេដស៍ នៅកម្ពុជា និង ជាតំណាងដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានអញ្ជើញជាអធិបតីនៃអង្គមេទ្ទីញ ប្រារឰទិវាពិភពលោកប្រយុទ្ធនឹងជំងឺអេដស៍ ១ ធ្នូ ដែលរៀបចំឡើងដោយ អាជ្ញាធរជាតិប្រយុទ្ធជំងឺអេដស៍ ក្រោមប្រធានបទ "ឈានឆ្ពោះទៅរកគ្មានការឆ្លងថ្មី គ្មានការរើសអើង គ្មានការស្លាប់" នៅសាលសន្និសីទ ចតុមុខ រាជធានីភ្នំពេញ ។ 
