អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
jQuery Carousel
ព័ត៌មានថ្មីៗ
...

កាកបាទក្រហមកម្ពុជា​ចែក​អំណោយ​សង្គ្រោះ​ដល់​ពលរដ្ឋ​រងគ្រោះ​ដោយ​ទឹកជំនន់

នា​ព្រឹក​ថ្ងៃ​ចន្ទ​ទី១៧ ខែតុលា ឆ្នាំ២០១១ គណៈប្រតិភូ​កាកបាទក្រហមកម្ពុជា ដឹកនាំ​ដោយ លោកជំទាវ អា​នី សុខ​អាន អនុប្រធាន​ទី១ កាកបាទ​ក្រហម​កម្ពុជា​តំណាង​ដ៏​ខ្ពង់ខ្ពស់​លោកជំទាវ​កិត្តិ​ព្រឹ​ត្ត​បណ្ឌិត ប៊ុន រ៉ានី ហ៊ុនសែន ប្រធាន​កាកបាទ​ក្រហម​កម្ពុជា រួម​ដំណើរ​ដោយ​ឯកឧត្តម លោកជំទាវ​ជា​សមាជិក​សមាជិកា​កាកបាទ​ក្រហម​កម្ពុជា និង​លោក លោកស្រី​ជា​ច្រើន​រូប​បាន​នាំ​យក​នូវ​អំណោយ​សង្គ្រោះ​ទៅ​ចែក​ជូន​ដល់​ ប្រជាជន​រងគ្រោះ​ដោយ​ទឹកជំនន់​ចំនួន ១៦៥០គ្រួសារ ដែល​អញ្ជើញ​មកពី​ឃុំ​ចំនួន ៩ ក្នុងស្រុក​ចំនួន​បី របស់​ខេត្តព្រៃវែង​ដែល​ពិធី​ចែក​អំណោយ​នេះ​បាន​ប្រារព្ធ​ធ្វើ​នៅ​ភូមិ​ពោធិ​ ជ្រែក ឃុំ​បន្ទាយ​ចក្រី ស្រុក​ព្រះ​ស្តេច ខេត្តព្រៃវែង។
 
ឯកឧត្តម ផាន់ ចាន់ថុល ប្រធាន​គណៈកម្មាធិការ​សាខា​កាកបាទ​ក្រហម​កម្ពុជា​ខេត្តព្រៃវែង បាន​ឡើង​រាយការណ៍​អំពី ស្ថានភាព​ទឹកជំនន់​ក្នុង​ខេត្ត​ជូន​គណៈប្រតិភូ​ថា៖ ទឹកជំនន់​ប៉ះពាល់​នៅក្នុង​ខេត្តព្រៃវែង​មាន​ចំនួន ១១ស្រុក និង​ក្រុង១ ចំនួន​គ្រួសារ​លិច​ទឹក​មាន ៧៤,៤៩៥គ្រួសារ មនុស្ស​ស្លាប់​ចំនួន ៥៥នាក់ ផ្ទះ​លិច​ទឹក​ចំនួន ៥៨៨១៦ខ្នង​ផ្ទះ ខូចខាត​ចំនួន ៤០៤ខ្នង​ផ្ទះ ហេដ្ឋារចនាសម្ព័ន្ធ​និង​ផលដំណាំ​មួយចំនួន​ត្រូវ​រង​ការខូចខាត​ជា​ដំណំ ។
 
មានប្រសាសន៍​សំណេះសំណាល ទៅកាន់​ប្រជាពលរដ្ឋ​រងគ្រោះ​នាពេលនោះ លោកជំទាវ អា​នី សុខ​អាន តំណាង​ដ៏​ខ្ពង់​ខ្ពស់​លោក​ជំទាវ​កិត្តិ​ព្រឹ​ត្ត​បណ្ឌិត ប៊ុនរ៉ានី ហ៊ុន សែន ប្រធាន​កាកបាទក្រហមកម្ពុជា បាន​សម្តែង​នូវ​ការ​សោកស្តាយ​ចំពោះ​ការបាត់បង់​ព្រ​ទ្យ​សម្បត្តិ​ផ្ទះសម្បែង ជាពិសេស​អាយុជីវិត​ប​ង​ប្អូន ដែល​រងគ្រោះ​ដោយ​គ្រោះមហន្តរាយ​ទឹកជំនន់​នា​ពេល​នេះ និង​បាន​ពាំ​នាំ​នូវ​សេចក្តី​ផ្តាំផ្ញើ​សាកសួរ​សុខទុក្ខ ពី​សំណាក់​សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា និង​លោកជំទាវ​កិត្តិ​ព្រឹ​ត្ត​បណ្ឌិត ជូន​បងប្អូន​ដោយ​ក្តី​នឹករលឹក​បំផុត។ លោកជំទាវ ក៏បាន​អំពាវនាវ​ដល់​អាជ្ញាធរ ដែនដី​គ្រប់​លំដាប់ថ្នាក់ ពិសេស​សាខា អនុសាខា កាកបាទក្រហម​ទាំង២៤ ខេត្ត​រាជធានី ត្រូវ​បង្កើន​ការ​យកចិត្តទុកដាក់​ចំពោះ​បងប្អូន​ប្រជាពលរដ្ឋ​ដែល​រងគ្រោះ ដោយ​មិន​ត្រូវ​ឱ្យ​បងប្អូន​ណា​ម្នាក់​ស្លាប់​ដោយ​អត់បាយ​ដោយ​គ្មាន​នរណា​ដឹង ​នោះ​ទេ។ 
 
លោកជំទាវ​អនុប្រធាន​ទី១ ក៏បាន​កើន​រំលឹក​ដល់​បងប្អូន​ដែល​រងគ្រោះ​ដោយសារ​ទឹកជំនន់ សូម​ឱ្យ​ពួកគាត់​រស់នៅ​ត្រូវ​ប្រកាន់​ភ្ជាប់​នូវ​អនាម័យ គឺ​ហូប​ស្អាត រស់នៅ​ស្អាត និង​ពិសេស​ត្រូវ​ប្រយ័ត្នប្រយែង​ចំពោះ​កូន​ចៅតូចៗ​មិនត្រូវ​ឱ្យ​លេង​ទឹក​ ផ្ដេសផ្ដាស​ដែល​អាច​បង្ក​ឱ្យ​គ្រោះថ្នាក់​លង់ទឹក​ជាដើម ម្យ៉ាងវិញទៀត​ត្រូវ​ប្រយ័ត្ន​ចំពោះ​សត្វ​អា​សិ​រពឹស​នានា​ព្រោះ​នៅពេល​មាន​ ទឹកជំនន់​បែបនេះ។ ប៉ុន្តែ​ប្រសិនបើ​បងប្អូន​ណា​ម្នាក់​ត្រូវ​គ្រោះថ្នាក់​ដោយ​ពួកវា​ត្រូវ​ ប្រញាប់​ប្រញាល់​ទៅ​មណ្ឌល​សុខភាព​ដែល​នៅ​ជិត​បំផុត ។
 
អំណោយ​សង្គ្រោះ​បន្ទាន់​ដែល​ដែល​ចែក​ជូន​ប្រជាពលរដ្ឋ​នា​ពេល​នេះ អង្ករ​ជា​របស់​រាជដ្ឋាភិបាល​ឯ​សម្ភារៈ​ផ្សេងៗ​ជា​របស់​កាកបាទ​ក្រហម​កម្ពុជា ដោយ​ក្នុង​មួយ​គ្រួសារ​ទទួលបាន៖ អង្ករ ២៥គីឡូក្រាម, ទឹកបរិសុទ្ធ​ឱ​រ៉ា​ល់ ចំណុះ៥០០មី​លី​លីត្រ ១កេស,ត្រីខ ១០កំប៉ុង, និង​ឃិត​មួយកញ្ចប់​ដែលមាន ក្រមា១ សារុង១ មុង១ ភួយ។ដោយឡែក។
...

ជនរងគ្រោះ​ដោយសារ​ទឹកជំនន់ នៅ​ខេត្ដ​កំពង់ធំ ទទួល​អំណោយ​សង្គ្រោះ​ពី កាកបាទ​ក្រហម​កម្ពុជា

លោកជំទាវ អា​ន្នី សុខ​អាន អនុប្រធាន​ទី១ កាកបាទ​ក្រហម​កម្ពុជា តំណាង​ដ៏​ខ្ពង់ខ្ពស់ លោកជំទាវ​កិ​ត្ដិ​ព្រឹ​ទ្ឋ​បណ្ឌិត​ប្រធាន រួម​ដំណើរ ឯកឧត្ដម លោកជំទាវ ក្នុង​ជួរ​គណៈកម្មាធិការ​កណ្ដាល ជា​ច្រើន​រូប​បាន​ចុះ​សួរ​សុខ​ទុក្ខ និង​នាំ​យក​អំណោយ​សង្គ្រោះ​ទៅ​ចែក​ជូន​ដល់​ប្រជាពលរដ្ឋ​រងគ្រោះ​ដោយ​គ្រោះ​ ទឹក​ជំនន់​ចំនួន ៥១៣គ្រួសារ​ដែល​មកពី​ភូមិ​ចំនួន ៤៤ ក្នុង​ឃុំ​ចំនួន ៥ នៃ​ស្រុក​កំពង់ស្វាយ ខេត្ដ​កំពង់ធំ។ ពិធី​នេះ​បាន​ប្រ​ព្រឹត្តិ​ទៅ​នៅក្នុង​បរិវេណ​រមណីយដ្ឋាន​ព្រែក​ប្រស់ ឃុំ​ត្រែង ស្រុក​កំពង់ស្វាយ នា​ព្រឹក​ថ្ងៃទី ១៦ ខែ តុលា ឆ្នាំ ២០១១ ។
 
ក្នុងនាម លោកជំទាវ​កិ​ត្ដិ​ព្រឹ​ទ្ឋ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទ​ក្រហម​កម្ពុជា លោកជំទាវ អា​ន្នី សុខ​អាន បាន​មានប្រសាសន៍​ពាំ​នាំ​នូវ​សេចក្ដី​ផ្ដាំផ្ញើ​សាកសួរ​សុខទុក្ខ​ពី​សំណាក់ សម្ដេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ដ្រី​នៃ​ព្រះរាជាណាចក្រ​កម្ពុជា ព្រមទាំង​សំដែង​នូវ​ការចូលរួម​រំលែក​ទុក្ខ​ចំពោះ​គ្រួសារ​ដែល​មាន សមាជិក​បាត់បង់​ជីវិត និង​ចូលរួម​សោក​ស្ដាយ​ចំពោះ​គ្រួសារ​ដែល​ទទួលរង​គ្រោះ​ខូ​ត​ខាត​ ទ្រព្យសម្បត្តិ និង​ផលដំណាំ ក្នុង​គ្រោះធម្មជាតិ​ទឹកជំនន់​នេះ។ លោកជំទាវ​បាន​បន្ដ​ថា គ្រោះ​ទឹក​ជំនន់​នេះ​មិនមែន​តែ​កើតមាន​នូវ​តែ​ប្រទេស​យើង​ទេ គឺ​មាន​ប្រទេស​មួយចំនួន​ក៏​ទទួលរង​គ្រោះ​ដែរ ដោយសារតែ​បម្រែបម្រួល​អាកាសធាតុ ហើយ​សំរាប់​បញ្ហា​ទឹកជំនន់​នេះ​ ទាំង​រាជរដ្ឋាភិបាល និង កាកបាទ​ក្រហម​កម្ពុជា បាន​ខិតខំ​រួមគ្នា​ដោះស្រាយ​ក្នុង​ការ​ជួយ​សំរាល​នូវ​ទុក​លំបាក​របស់​ បងប្អូន​ដោយ​មិន បណ្ដែតបណ្ដោយ​ឱ្យ​បងប្អូន​យើង​ណា​ម្នាក់​អត់បាយ​ហូប​នោះ​ឡើយ។ 
 
លោកជំទាវ​ក៏​សូម​ឱ្យ​បងប្អូន​ប្រជាពលរដ្ឋ​ដែល​រងគ្រោះ​ទាំងអស់ ត្រូវ​មាន​ប្រុង​ប្រយ័ត្ន​ចំពោះ​កូនចៅ​កុំ​ឱ្យ​លេង​ទឹក និង​ប្រយ័ត្ន​ចំពោះ​សត្វ​អ​សិរ​ពិស​នានា បើ​ត្រូវ​សត្វ​អាសិរពិស​ ឬ​ខាំ​ត្រូវ​ប្រញាប់​មក​មន្ទីរពេទ្យ​រឺ​មណ្ឌល​សុខភាព​ដែល​នៅ​ជិត​បំផុត ដើម្បី​ទទួល​បាន​ការ​ព្យាបាល​ឱ្យ​ទាន់​ពេលវេលា ហើយ​សូម​ឱ្យ​បងប្អូន​ត្រូវ​រក្សា​ឱ្យ​បាន​នូវ​អនាម័យ ជាពិសេស​ត្រូវ​បរិភោគ​ទឹក​ឆ្អិន​ដើម្បី​ចៀសវាង​នូវ​ជំងឺ​ដំកាត់​ផ្សេងៗ។ លោកជំទាវ​អនុប្រធាន​ទី១ ក្នុងនាម​លោកជំទាវ​កិ​ត្ដិ​ព្រឹ​ទ្ឋ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទ​ក្រហម​កម្ពុជា លោកជំទាវ​សូម​ថ្លែងអំណរគុណ​ដល់​បណ្ដា​សប្បុរសជន​នានា និង​អាជ្ញាធរ​មូលដ្ឋាន អ្នក​ស្ម័គ្រចិត្ត​កាកបាទ​ក្រហម ដែល​កន្លងមក​ក៏ ដូច​បច្ចុប្បន្ន​បាន​ខិតខំ​ប្រឹងប្រែង រួមគ្នា​ក្នុង​ការ​ជួយសង្គ្រោះ​ដល់​ប្រជាពលរដ្ឋ​យើង​បាន​យ៉ាង​ទាន់ពេល​វេលា ។ អំណោយ​សង្គ្រោះ​ដែល​នាំមក​ចែក​ជូន​ដល់​បងប្អូន​ប្រជាពលរដ្ឋ​រងគ្រោះ​ទាំង ៥១៣គ្រួសារ​ក្នុង​មួយ​គ្រួសារៗ​ទទួលបាន ៖ អង្ករ២៥គ.ក, ត្រីខ១០កំប៉ុង, ក្រមា១, សារុង១, ភួយ១, មុង១, ទឹក​បរិ​សុ​ទ្ឋ​ឱ​រ៉ា​ល់១កេស និង​ទឹក​អនាម័យ លាងដៃ១ដប ។
 
បន្ទាប់មក លោកជំទាវ អា​ន្នី សុខ រួម​នឹង​ប្រតិភូ​ទាំងអស់​បាន​បន្ដ​ដំណើរ​មក វត្ត​សង់​ឃ្លាំង ស្ថិតនៅ​ភូមិ​សង់​ឃ្លាំង ឃុំ​តាំងក្រសាំង ស្រុក​សន្ទុក ដើម្បី​ប្រគេន​ដល់​វត្ដ​នូវ គ្រឿង​ឧបភោគ​បរិភោគ​រួមមាន អង្ករ មី ត្រីខ ទឹកក្រូច ទឹក​បរិ​សុ​ទ្ឋ​ឱ​រ៉ា​ល់ តែ ស្ករស ទឹកដោះគោ មួយចំនួន និង​ថវិកា​១លាន​រៀល ប្រគេន​ព្រះ​សង្ឃ១៤អង្គ ក្នុង​មួយ​អង្គ​ស្លា​ដក​១ និង​ថវិកា​៥ម៉ឺន​រៀល ជូន​តាជី​យាយជី​ក្នុង​ម្មាក់ៗ ក្រណាត់​ស១ដុំ និង​ថវិកា​១ម៉ឺន​រៀល ព្រមទាំង​ចែក​អំណោយ​សង្គ្រោះ​ជូន​ដល់​ប្រជាពលរដ្ឋ​រងគ្រោះ​ដោយសារ​ទឹកជំនន់ ចំនួន​៤៨៧​គ្រួសារ​ទៀត ដែល​មកពី​ភូមិ​ចំនួន​២២ ក្នុង​ឃុំ​ចំនួន៤ នៃ​ស្រុក​សន្ទុក ខេត្ដ​កំពង់ធំ ដែល​ក្នុង​មួយ គ្រួសារ​ទទួល​បាន អង្ករ២៥គ.ក, ត្រីខ១០កំប៉ុង, ក្រមា១, សារុង១, ភួយ១, មុង១, ទឹក​បរិ​សុ​ទ្ឋ​ឱ​រ៉ា​ល់១កេស និង​ទឹក​អនាម័យ​លាងដៃ១ដប ។ សូម​បញ្ជាក់​ថា ៖ អង្ករ ជា​អំណោយ​របស់​រាជរដ្ឋាភិបាល​កម្ពុជា, ត្រីខ និង​សំភារៈ អំណោយ​របស់ កាកបាទ​ក្រហម​កម្ពុជា និង​សប្បុរសជន, ទឹក​បរិ​សុ​ទ្ឋ​ឱ​រ៉ា​ល់ ជា អំណោយ​របស់ កាកបាទ​ក្រហម​កម្ពុជា សាខា​ធានី​ភ្នំពេញ ។
...

ប្រជាពលរដ្ឋ​រងគ្រោះ​ដោយ​ទឹកជំនន់​ចំនួន ៣០០គ្រួសារ​នៅក្នុង​ខេត្ដ​កំពង់ឆ្នាំង​បានទទួល​អំណោយ​ពី កាកបាទ​ក្រហម​កម្ពុជា

ទឹកជំនន់​ទន្លេមេគង្គ រួម​នឹង​ទឹកភ្លៀង​បាន​ជន់​លិច​លំនៅ​ដ្ឋាន​បងប្អូន​ប្រជាពលរដ្ឋ ផល​ដំណាំ ស្រែ​ស្រូវ អាយុជីវិត​មនុស្ស សត្វពាហនៈ និង​ជ្រូក មាន់ ទា ជាដើម។ ដើម្បី​ជួយ​សម្រួល​ដល់​ជីវភាព​របស់​ប្រជាពលរដ្ឋ នៅ​ថ្ងៃទី ១៤ ខែ តុលា ឆ្នាំ ២០១១ លោកជំទាវ ពុំ ចន្ទី​នី អគ្គលេខាធិការ​កាកបាទ​ក្រហម​​កម្ពុជា រួម​ជា​មួយ​ឯកឧត្តម ទូច ម៉ា​រី​ម អភិបាលខេត្ដ​កំពង់ឆ្នាំង​បាន​នាំ យក​អំណោយ​មួយចំនួន​ចែកជូន​ដល់​ប្រជាពលរដ្ឋ​ចំនួន ៣០០គ្រួសារ មកពី​ឃុំ៤គឺ ឃុំ​កំពង់ត្រឡាច អំពិល​ទឹក តា​ជេស និង​ឃុំ​ច្រេស​នៅក្នុង​ស្រុក​កំពង់់ត្រឡាច។
 
តាម​របាយការណ៍​គណៈ​អភិបាលស្រុក​បាន​ឱ្យ​ដឹង​ថា ឃុំ​ដែល​រងគ្រោះ​ដោយ​ទឹកជំនន់​មាន ១០ ឃុំ ហើយ​មាន​ឃុំ ៦ ដែល​ត្រូវ​ទទួលរង​គ្រោះ​ធ្ងន់ធ្ងរ​ជាងគេ​រួមមាន ឃុំ​អំពិល​ទឹក លង្វែក ពា​នី ឈូកស និង​ឃុំ​ថ្ម​ឥដ្ឋ។ ផ្ទះ​ប្រជាជន​លិច​ទឹក​មាន ២៤៣៥ខ្នង ប្រជាជន​ជម្លៀស​មាន ១០៧៧គ្រួសារ និង​ប៉ះពាល់​ដល់​សាលារៀន៥ខ្នង វត្ដ៧ និង​មាន​មនុស្ស​ស្លាប់ ៥នាក់​ដោយសារ​លង់ទឹក(ស្រី ៣)។ 
 
ក្នុងឱកាស​នោះដែរ​លោកជំទាវ ពុំ ចន្ទី​នី ក៏បាន​ពាំនាំ​មតិ​ផ្ដាំ​សួរសុខទុក្ខ​ពី​សំណាក់ លោកជំទាវ​កិ​ត្ដិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ​ប្រធាន​កាកបាទក្រហមកម្ពុជា ជូន​ដល់​ប្រជាពលរដ្ឋ​ព្រមទាំង​សំណូមពរ​ដល់​ប្រជាពលរដ្ឋ​រងគ្រោះ​កុំឱ្យ​ កូនចៅ​លេង​ទឹក និង​ត្រូវមាន​ក្ដីសង្ឃឹម​ក្នុងការ​ប្រក​បរបរ​ចិញ្ចឹមជីវិត​ទៅ​ថ្ងៃមុខ​ទៀត។ 
 
គ្រួសារ​រងគ្រោះនីមួយៗ ទទួលបាន អង្ករ ៣០គ​ក្រ ជា​អំណោយ​កាកបាទក្រហម និង​ឃី​ត​មួយកញ្ចប់(ទឹក​សុ​ទ្ឋ M 150 មី ត្រីខ ទឹកត្រី ក្រដាសអនាម័យ សាប៊ូកក់សក់ ទឹកដោះគោឆៅ កាហ្វេ សាច់ក្រក ប្រេងកូឡា ថ្នាំដុសធ្មេញ ច្រាស​ដុសធ្មេញ សំឡី​អនាម័យ)ជា​អំណោយ​របស់​ស្ថានទូត​ថៃ​ប្រចាំ​នៅ​កម្ពុជា។ បន្ថែម​ពីលើ​នេះ ​ឯកឧត្តម​ត្រាំ អ៊ីវតឹក ជា​រដ្ឋមន្ដ្រីក្រសួង​សាធារណការ និង​ដឹកជញ្ជូន​បានផ្ដល់​នូវ​ថវិកា​ផ្ទាល់ខ្លួន​ចំនួន ២ម៉ឺន​រៀល និង​ទឹក​ស៊ី អ៊ីវ ១ដប​ក្នុង​មួយ​គ្រួសារ។
...

៣៥០គ្រួសារ​មកពី​ស្រុក​បាកាន និង​ស្រុក​កណ្ដៀង​ក្នុង​ខេត្ដ​ពោធិ៍សាត់​ទទួល​អំណោយ​ពី​កាកបាទក្រហមកម្ពុជា

ថ្ងៃទី ១៤ ខែតុលា ឆ្នាំ ២០១១ លោកជំទាវ​ពុំ ចន្ទី​នី អគ្គលេខាធិការ​កាកបាទ​ក្រហម​កម្ពុជា​បាន​នាំនូវ​អំណោយ​ជា​ស្បៀង និង​សម្ភារៈ​ប្រើប្រាស់​មួយចំនួន​ទៅ​ចែក​ជូន​ប្រជាពលរដ្ឋ​រងគ្រោះ​ចំនួន ១៤០គ្រួសារ​មកពី​ស្រុក​បាកាន និង១០គ្រួសារ​មកពី​ស្រុក​កណ្ដៀង ខេត្ដ​ពោធិ៍សាត់។ ឯកឧត្តម ​ខូយ សុខា ប្រធាន​កិ​ត្ដិ​យស​សាខា​កាកបាទក្រហមកម្ពុជា​ខេត្ដ​ពោធិ៍សាត់ បាន​លើក​ឡើង​ក្នុង​ឱកាស​នោះ​ថា ដោយសារតែ​ទឹកជំនន់​មកពី​បឹង​ទន្លេសាប​រួម​ជា​មួយ​ទឹកភ្លៀង​បាន​ធ្វើ​ឱ្យ​ ប្រជាជន​នៅក្នុង​ស្រុក​បាកាន​ចំនួន ៣៨៦គ្រួសារ​ ត្រូវ​បាន​ជម្លៀស​ទៅ​រក​ទីទួល​សុវត្ថិភាព ហើយ ២៣៤០គ្រួសារ​ទៀត​នៅ​ខ្វះ​ស្បៀងអាហារ ស្រូវ​ចំនួន ១០១៩០ហិច​តា​ត្រូវ​លិចលង់ ហើយ​ប៉ះពាល់​ដល់​សាលា​រៀន ៩ខ្នង និង​មាន​មនុស្ស​ស្លាប់ ២នាក់។

លោកជំទាវ ពុំ ចន្ទី​នី ក៏បាន​ពាំនាំ​នូវ​ការ​ព្រួយ​បារម្ភ​ដល់​សុខទុក្ខ​ប្រជាពលរដ្ឋ របស់​សម្តេចតេជោ នាយករដ្ឋមន្ត្រី និងលោក​ជំទាវ​កិ​ត្ដិ ព្រឹ​ទ្ឋ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទ​ក្រហម​កម្ពុជា​ជូន​ដល់​ប្រជាជន។ ថ្វី​ដ្បិតតែ​លោកជំទាវ​មិនបាន​អញ្ជើញ​មក​ដោយ​ផ្ទាល់​ប៉ុន្ដែទឹកចិត្ត និងមនោសញ្ចេតនារបស់លោជំទាវទាំងពីរនៅជាប់ជាមួយ​ប្រជាពលរដ្ឋ​ជានិច្ច។ លោកជំទាវ​ ពុំ ចន្ទី​នី បាន​ពាំនាំនូវប្រសាសន៍ផ្តាំផ្ញើរបស់លោកជំទាវកិត្តិព្រឹទ្ធបណ្ឌិតប្រធាន​ឱ្យ​ ប្រជាពលរដ្ឋ​ទាំងអស់​យកចិត្តទុកដាក់​ដល់​កូនចៅ​កុំ​ឱ្យ​លេង​ទឹក​និង​សូមកុំ​ ឱ្យ​មាន​នណា​ម្នាក់​លង់ទឹក​ស្លាប់​ដោយ សារ​ផឹកស្រា និង​បញ្ជាក់​អំពី​ការ​យក​ចិត្ត​ទុក​ដាក់​ដល់​ការ​ប្រើប្រាស់ និង​ផឹក​ទឹក​ស្អាត​រួម​ជាមួយ​អនាម័យ​ចៀសវាង​មាន​គ្រោះថ្នាក់​ដោយ​ការ​ខ្វះ​ ការ​គិតគូរ​ដល់​សុខភាព លោកជំទាវ​អគ្គលេខាធិការ​បាន​ផ្តល់​នូវ​ការ​កក់​ក្តៅ​ជូន​ប្រជាជន​រង​គ្រោះ​​ ដោយ​បញ្ជាក់​ថា​ យើង​មាន​សំណាង​ខ្ពស់​ដែល​មាន​ថ្នាក់​ដឹក​នាំ​​ប្រកប​ដោយ​គតិប​ណ្ឌិត​ ពី​សម្តេច​តេជោ​ និង​លោកជំទាវ​កិត្តិព្រឹទ្ធបណ្ឌិត​ ដែល​តែង​តែ​ទុកសុខ​ទុក្ខ និង​ការ​លំបាក់​របស់​ប្រជាជន​ជា​កង្វល់ និ​ង​ទុក្ខ​ព្រួយ​របស់​លោ​ក​ទាំ​ង​ទ្វេ។

អំណោយ​យក​មក​ចែក​ជូន​នា​ពេល​នេះ គ្រួសារ​នីមួយៗ​ទទួលបាន​អង្ករ ២៥គ​ក្រ ត្រីខ ១០កំប៉ុង ក្រមា ១ ភួយ ១ មុខ ១ ដែល​ជា​អំណោយ​របស់​កាកបាទក្រហម​កម្ពុជា។ ចំណែក​សាខា​កាកបាទក្រហមកម្ពុជា​ខេត្ដ​ពោ​ធ៍​សាត់​ក៏បាន​ផ្ដល់នូវ​ថវិកា ១៥០០រៀល និង​មី ១០កញ្ចប់​ក្នុង​គ្រួសារ​បន្ថែមទៀត។

...

ប្រជាពលរដ្ឋ​រងគ្រោះ​ដោយ​គ្រោះទឹកជំនន់​ស្រុក​ព្រែក​ប្រសព្វ​ចំនួន ៦២១គ្រួសារ​ទទួល អំណោយ​ពី​រាជរដ្ឋា​ភិបាល​​និង​កាកបាទក្រហមកម្ពុជា

នា​ព្រឹក​ថ្ងៃទី ៩ ខែ តុលា ឆ្នាំ២០១១ ឯកឧត្តម ខាំ ភឿន អភិបាលខេត្ត​ក្រចេះ​ដំណាង​ឱ្យ​រាជរដ្ឋាភិបាល និង​លោក ហួ គឹម​ហួត នាយក នាយកដ្ឋាន​រដ្ឋបាល និង​ហិរញ្ញកិច្ច ដំណាង​កាកបាទ​ក្រហម​កម្ពុជា រួម​ដំណើរ​ដោយ សមាជិក សមាជិកា​សាខា ជា​ច្រើន​រូប បាន​នាំ​យក​អំណោយ​សង្គ្រោះ​របស់​រាជរដ្ឋាភិបាល​កម្ពុជា រួម​ជាមួយ​និង​កាកបាទ​ក្រហម​កម្ពុជា​ទៅ​ចែក​ជូន​ប្រជាពលរដ្ឋ​រងគ្រោះ​ដោយ​ គ្រោះ​ទឹក​ជំនន់​ចំនួន ៦២១គ្រួសារ​បណ្តាល​ឱ្យ​លិច ផ្ទះសម្បែង និង​ផលដំណាំ​ស្ទើរ​គ្មាន​សល់។

បន្ទាប់ពី​លោក វ៉ា ថន អភិបាលស្រុក​ព្រែក​ប្រសព្វ បាន​ធ្វើ​របាយការណ៍​ពី​ស្ថានភាព​ទឹកជំនន់​ដោយមាន​ប្រសាសន៍​ថា​ក្នុង​បណ្ដា​ ឃុំ​ចំនួន ៨ របស់​ស្រុក​ព្រែក​ប្រសព្វ គឺ​មាន​ឃុំ​ចំនួន៥ ដែល​រង​ផល​ប៉ះពាល់​ធ្ងន់ធ្ងរ​ជាងគេ គឺ​សរុប​មាន​ប្រជាជន​រងគ្រោះ​ចំនួន ៥,៤៣៧គ្រួសារ និង​បណ្តាល​ឱ្យ​ប្រជាជន​ស្លាប់​ចំនួន ១១នាក់។

មាន​មតិ​សំណេះ​សំណាល​នា​ឱកាស​នោះ, ឯកឧត្តម​ ខាំ ភឿន បាន​ សម្តែង​នូវ​ការ​អាណិតអាសូរ និង​ចូលរួម​សោកស្តាយ ដែល​គ្រោះ​ទឹកជំនន់​បាន​បំផ្លាញ​ផ្ទះ និង​ទ្រព្យសម្បត្តិ​របស់​បងប្អូន​ជាច្រើន​ដែល​នេះ​ហាក់ដូចជា​ការ​ចាប់ ផ្តើម​កសាង​ជីវភាព​សារ​ជាថ្មី ឯកឧត្តម​បាន​សម្តែង​នូវ​ការ​សោកស្តាយ​ផង​ដែរ​ ដល់​គ្រួសារ​សព និង​ពាំ​នាំ​នូវ​ការ​ផ្តាំផ្ញើ​សាកសួរ​សុខទុក្ខ​ពី​សំណាក់ ​លោកជំទាវ​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទ​ក្រហម​កម្ពុជា​ដែល​ជា​រៀងដ៏រាប​មក លោកជំទាវ​តែងតែ​យកចិត្តទុកដាក់ និង​គិតគូរ​ពី​ការ​លំបាក​របស់​ប្រជាជន​យើង នៅ​គ្រប់​ទីកន្លែង​នៅ​ទូទាំង​ប្រទេស។ ឯកឧត្តម​ក៏បាន​ អំពាវនាវ​ដល់​បងប្អូន​ទាំងអស់ ត្រូវ​ប្រុងប្រយ័ត្ន​និង​តាមដាន​ស្ថានភាព​ទឹកជា​ប្រចាំ ហើយក៏​មិន​ត្រូវ​បណ្តែតបណ្តោយ​ឱ្យ​កូនចៅ​លេង​ទឹក​នោះ​ឡើយ។

ឯកឧត្តម​ខាំ ភឿន ក៏បាន​អំពាវនាវ​ទៀត​ថា ឱ្យ​បងប្អូន​ទាំងអស់​ត្រូវ​ខិតខំ​ថែរក្សា សុខភាព និង​អនាម័យ ចៀសវាង​ជម្ងឺ​ដ​ងា្ក​ត់ផ្សេងៗ​មក​បៀតបៀន និង​សូមកុំ​ឱ្យ​អស់​សង្ឃឹម​ក្នុង​ជីវិត និង​ត្រូវ​ខិតខំ​បង្កបង្កើនផល​ដើម្បី​ជួយ​សម្រាល​ជីវភាព​របស់​បងប្អូន​ ថែមទៀត​នៅពេល​ទឹក​ស្រក។

អំណោយ​ដែល​យកមក​ចែក​ជូនប​ង​ប្អូន​រងគ្រោះ​នៅ​ពេលនេះ​ក្នុង​មួយគ្រួសារៗ​ទទួល ​បាន អង្ករ ២៥គីឡូក្រាម ដែល​ជា​អំ​ណាយ​របស់​រាជរដ្ឋាភិបាល និង​មី ១កេស​តូច មុង១ ភួយ១ ក្រ​ម៉ា១ សារុង១ជា​អំណោយ​របស់​កាកបាទ​ក្រហម​កម្ពុជា។

Fist Prev 81 82 83 84 85 Next Last
ព័ត៌មានផ្សេងៗ
សេវាយើង

សាខាកក្រកខេត្តកំពត ៖ កាលពី​ព្រឹកថ្ងៃ​ទី១៨​ ខែកក្កដា​ ឆ្នាំ២០១៧ ​សាខា​កាកបាទក្រហម​កម្ពុជា​ខេត្តកំពត​ បានរៀបចំ​ពិធី​វគ្គបណ្តុះបណ្តាល​មួយ ក្រោម​ប្រធានបទ «យុវជន​ជាភ្នាក់ងារ​នៃ​ការផ្លាស់ប្តូរ​ឥរិយាបទ» ជូនដល់​យុវជន​កាកបាទក្រហម​កម្ពុជា​ ចំនួន ៤០នាក់ (ស្រី២០នាក់) មកពី​វិទ្យាល័យ​គោលដៅ​ចំនួន​៤ ដោយមាន​ការអញ្ជើញ​ចូលរួម​ជាគណៈអធិបតី​ពីសំណាក់​លោក តាក ហាប់ សមាជិក​គណៈកម្មាធិការសាខា​ ស្ថិតក្នុងក្រុងកំពត ខេត្តកំពត ។

 

វគ្គនេះមាន​គោលបំណង ដើម្បី​ពង្រឹងសមត្ថភាព​បន្ថែមដល់​យុវជន​កាកបាទក្រហម​កម្ពុជា​ ហើយយកចំណេះ​ដឹងទាំង​នេះជួយ​ផ្សព្វផ្សាយ​សាលារៀន​ និងសហគមន៍​រៀងៗខ្លួន​ឱ្យកាន់តែប្រសើរឡើង៕

 

អានបន្ថែម...

សាខាកក្រក​ខេត្តព្រៃវែង៖ ​នៅព្រឹក​ថ្ងៃទី​ ០៤​ ខែកក្កដា​ ឆ្នាំ២០១៧​ នៅសាខា​កាកបាទក្រហម​កម្ពុជា​ ខេត្តព្រៃវែង​ បានបើក​វគ្គបណ្តុះបណ្តាល​ជនបង្គោល​ស្តីពី​ សុខភាព​មនុស្សចាស់ ​ស្ថិតក្រោម​អធិបតីភាព​ ឯកឧត្តម​ឧកញ៉ា សុខ ផេង​ អនុប្រធាន​អចិន្ត្រៃយ៍​គណៈកម្មាធិការ​សាខា។

 

វគ្គ​បណ្តុះបណ្តាល​នេះប្រព្រឹិត្តិទៅ ​ក្រោមកិច្ច​សហការណ៍​ជាមួយកាកបាទក្រហ​មកម្ពុជា ​ដែលបានការ​ឧបត្ថម្ភថវិកា​ដោយសហព័ន្ធ​អន្តរជាតិ​ កាកបាទក្រហម​ និងអឌ្ឍចន្ទក្រហម ​មានរយៈពេល ០២ថ្ងៃ ​ចាប់ពីថ្ងៃទី ៤ ដល់ទី ៥ ខែកក្កដា ឆ្នាំ ២០១៧ មានសិក្ខាកាម​ចូលរួម សរុបចំនួន ៣០នាក់ ស្រី ៨នាក់ មកពីអនុសាខា​ស្រុកពាមរក៍ ជាស្រុកគោលដៅ​សម្រាប់អនុវត្ត​សកម្មភាពគម្រោង។

 

គោលបំណងនៃវគ្គបណ្តុះបណ្តាលគឺ៖
១.ដើម្បីអោយ​អ្នកស្ម័គ្រចិត្ត​កាកបាទក្រហម​ មានសមត្ថភាព​គ្រប់គ្រាន់​ក្នុងការជួយ​អប់រំផ្សព្វផ្សាយ​សារគន្លឹះ ស្តីពីការ​ការពារ​ជំងឺមិនឆ្លង និង​ថែទាំដល់​ប្រជាពលរដ្ឋដែល​មានអាយុច្រើន​រស់នៅក្នុង​សហគមន៍​ អោយមានសុខភាពល្អ​។​


២.ដើម្បីកែលម្អរ​គុណភាព​ជីវិតរបស់​ប្រជាជន​ ដែលមានអាយុ​ច្រើនរស់​នៅក្នុងសហគមន៍​ជនបទ ​ទទួលបានក្តីសង្ឃឹម​ ការគោរព ​និងការ​លើកកម្ពស់​សេចក្តីថ្លៃថ្នូ ​តាមរយៈការ​ការពារជម្ងឺ​មិនឆ្លង​ និងការថែ​ទាំសុខភាព។

 

អានបន្ថែម...

សាខាកក្រកខេត្តកំពង់ឆ្នាំង ៖ កាលពីព្រឹក​ថ្ងៃទី ៥ ខែកក្កដា ឆ្នាំ២០១៧ សាខា​កាកបាទក្រហម​កម្ពុជា ​ខេត្តកំពង់ឆ្នាំង​ ដឹកនាំដោយ​លោក ប្រាក់ សោភ័ណ្ឌ​ នាយក​សាខា រួមជាមួយ​នឹង មន្ត្រីសម្រប​សម្រួល​គម្រោង នៃនាយកដ្ឋាន​គ្រប់គ្រង​គ្រោះមហន្តរាយ ​កាកបាទក្រហម​កម្ពុជា ​បានចូលរួម​បើកវគ្គ​បណ្តុះបណ្តាល​ស្តីពី ការគ្រប់គ្រង​គ្រោះមហន្តរាយ​ និងការប៉ាន់ប្រម៉ាណ​ហានិភ័យ​នៅតាមសាលារៀន​ដោយមាន​ការអញ្ជើញចូលរួម​ពី ទីប្រឹក្សាយុវជន ​យុវជន​កាកបាទក្រហម​កម្ពុជា​៣គោលដៅ ​សរុបចំនួន ៣៥នាក់ ស្ថិត​នៅខេត្ត​កំពង់ឆ្នាំង។

 

វគ្គបណ្ដុះបណ្ដាលនេះ​ប្រព្រឹត្តទៅ​នៅក្នុង​រយៈពេល​៣ថ្ងៃ ចាប់ពី​ថ្ងៃទី ៥-៦-៧ ខែ​កក្កដា ឆ្នាំ២០១៧ ក្នុងគោលបំណង​ដូចតទៅ៖


១-រកឲ្យឃើញ​នូវមុខសញ្ញា​គ្រោះមហន្តរាយ​នានា ដែលភ្លាប់​មានក្នុង​សាលារៀន
២-គ្រប់គ្រងមុខ​សញ្ញា​គ្រោះមហន្តរាយក្នុង​សាលារៀនឲ្យបាន
៣-រកអោយឃើញ​ហានិភ័យ​នានា​ដែលអាច​កើតមានឡើង​ក្នុងសាលារៀន
៤-វាស់ស្ទង់សម្ថតភាព​ហានិភ័យ និងសមត្ថភាព​របស់យើង​ ដើម្បី​ដោះស្រាយ៕

 

អានបន្ថែម...

សាខាកក្រករាជ​ធានីភ្នំពេញ៖ នាព្រឹកថ្ងៃទី​ ២៨​ ខែ​ ​មិថុនា ឆ្នាំ ២០១៧នេះ​ នៅសាកល​វិទ្យាល័យ​អាស៊ី​អឺរ៉ុប ​សាខា​កាកបាទក្រហម​កម្ពុជា​ រាជធានីភ្នំពេញ​ ដឹកនាំដោយ​ លោក​ គ្រួច​ សាមឿន​ នាយក​ប្រតិបត្តិ​សាខា​ បានរៀបចំ​បើកវគ្គ​អប់រំ​ផ្សព្វផ្សាយ​សុវត្ថិភាព​ចរាចរណ៍​ផ្តោតលើ​ហានិភ័យ​នៃការបើកបរ​ក្រោមឥទ្ធិពល​គ្រឿងស្រវឹង​រយៈពេល១ព្រឹក​ ​ជូនដល់ប្អូនៗ​និស្សិត​ប្រចាំ​សាកលវិទ្យាល័យ​ចំនួន៣០០នាក់ ​ដែល​វគ្គនេះ​បានការជួយ​ឧបត្ថម្ភគាំទ្រ​ពីអង្គការ​សម្ព័ន្ធអន្តរជាតិ​ទប់ស្កាត់​ផលប៉ះពាល​នៃគ្រឿងស្រវឹង​( IARD )​ ។

វគ្គអប់រំ​ផ្សព្វផ្សាយ​នេះមាន​គោលបំណងគឺ៖​ 
១.​ ដើម្បីផ្តល់​ចំណេះដឹង​ និងដើម្បីផ្សព្វផ្សាយ​ច្បាប់​ចរារណ៍​ផ្លូវគោក​ ។
២.​ បង្ហាញពី​ស្ថានភាព​គ្រោះថ្នាក់​ចរាចរណ៍​នាពេលបច្ចុប្បន្ន 
៣.​ កត្តាផ្សេងៗ​ដែល​បណ្តាល​ឲ្យមាន​គ្រោះថ្នាក់ចរាចរណ៍ 
៤.​ កត្តាគួរ​យល់ដឹង​ចំពោះការបើក​បរប្រកប​ដោយសុវត្ថិភាព ​ជាពិសេស​បង្ហាញ​ពី ផលប៉ះពាល់​នៃការបើកបរ​ពេលស្រវឹង​ ។

៥ ការពារ​ជីវិតអ្នក​សូមកុំបើក​បរ​ក្រោមឥទ្ធិពល​គ្រឿងស្រវឹង ៕

អានបន្ថែម...

ព័ត៌មានផ្សេងៗ