Webmail
E-Learning
អ៊ីម៉ែល​ កាកបាទក្រហមកម្ពុជា
Facebook

វីដីអូ កាកបាទក្រហមកម្ពុជា
ចម្រៀងកាកបាទក្រហមកម្ពុជា
jQuery Carousel
ព័ត៌មានថ្មីៗ
...

ប្រជាពលរដ្ឋងាយរងគ្រោះនិងចាស់ជរានៅឃុំផាត់សណ្តាយខេត្តកំពង់ធំ

នាព្រឹកថ្ងៃទី ៣១ ខែតុលា ឆ្នាំ២០១៦ ឯកឧតម វេជ្ជបណ្ឌិត អ៊ុយ​សំអាត នាយកនាយកដ្ឋានគ្រប់គ្រងគ្រោះមហន្តរាយ កាកបាទក្រហមកម្ពុជា និងឯកឧត្តម ងួន សុជាតិ អភិបាលរងខេត្តកំពង់ធំ ព្រមទាំងក្រុមប្រតិបត្តិសាខា អ្នកស្ម័គ្រចិត្តបានសួរសុខទុក្ខ និងនាំយកអំណោយមនុស្សធម៌ កាកបាទក្រហមកម្ពុជា ចែកជូនប្រជាពលរដ្ឋងាយរងគ្រោះ និងចាស់ជរា ចំនួន ៤៣៣គ្រួសារ មកពី៥ភូមិ ក្នុងឃុំផាត់សណ្តាយ ស្រុកកំពង់ស្វាយ ក្នុងខេត្តកំពង់ធំ ពិធីចែកអំណោយនេះប្រារព្ធធ្វើឡើងនៅផែសាលារៀនផាត់សណ្តាយ។

 

ក្នុងឱកាសនោះឯកឧត្តម អ៊ុយ​សំអាត បានពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងសូមបងប្អូនប្រជាពលរដ្ឋ ទាំងអស់សូមថែរក្សាសុខភាព ហូបស្អាត ផឹកស្អាត គេងក្នុងមុង និងក្មេងត្រូវពាក់អាវឲ្យបានជិតកុំឲ្យមូសខាំព្រោះរដូវនេះជារដូវភ្លៀង ហើយជាពិសេសកុំបណ្តោយឲ្យក្មេងតូចៗលេងទឹកដើម្បីជៀសវៀងមានគ្រោះថ្នាក់ជាយថាហេតុ។


បងប្អូនប្រជាពលរដ្ឋ ដែលបានទទួល អំណោយនាឱកាសនេះ បានសំដែងនូវការដឹងគុណ​យ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា ដែលគ្រប់កាលៈទេសៈ សម្តេចកិត្តិព្រឹទ្ធបណ្ឌិត តែងគិតគូរដល់សុខទុក្ខរបស់ប្រជាពលរដ្ឋនៅតាមជនបទ ដែលជួបប្រទះការលំបាក។ ដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរ​អ្វីទាំងអស់ ពោលគឺ(ទីណាមានការលំបាក ទីនោះមានកាកបាទក្រហមកម្ពុជា) ជានិច្ច។

 

អំណោយដែលបានផ្តល់ជូនក្នុង១គ្រួសារទួលបាន ៖ អង្ករ ៣០គីឡូក្រាម មី ១កេស ត្រីខ១០កំប៉ុង សារុង១ មុង១ ភួយ១ ក្រមា១ និងបានឧបត្ថម្ភថវិកាដល់កុមារីពិការភ្នែកពីកំណើតម្នាក់និងលោកតា លោកយាយចំនួន១២នាក់ដែលលំបាកខ្លាំងនូវថវិកាមួយចំនួនផងដែរ។

 

...

កាកបាទក្រហមកម្ពុជាប្រារព្ធ ទិវាអន្តរជាតិកាត់បន្ថយហានិភ័យនៃគ្រោះមហន្តរាយ

នាព្រឹកថ្ងៃទី២៧ ខែតុលា ឆ្នាំ២០១៦ កាកបាទក្រហមកម្ពុជា បានរៀបចំទិវាអន្តរជាតិកាត់បន្ថយហានិភ័យនៃគ្រោះមហន្តរាយ ក្រោមប្រធានបទ រស់នៅដើម្បីប្រាប់ថា: ការលើកកម្ពស់ការយល់ដឹងអំពីការកាត់បន្ថយហានិភ័យ និងកាត់បន្ថយការស្លាប់ដោយគ្រោះមហន្តរាយ ក្រោមអធិបតីភាព ឯកឧត្តមបណ្ឌិតទេសរដ្ឋមន្ត្រី ញឹម វណ្ណដា អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងសមាជិកគណៈកម្មាធិការកណ្តាលកាកបាទក្រហមកម្ពុជា និងមានការចូលរួមពី ឯកឧត្តមវេជ្ជ. អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយ កាកបាទក្រហមកម្ពុជា ព្រមទាំងមាន សមាជិក សមាជិកា គណៈកម្មាធិការសាខាកាកបាទក្រហមកម្ពុជា ខេត្តពោធិ៍សាត់ អនុសាខាក្រុងស្រុក មន្ទីរពាក់ព័ន្ធជុំវិញខេត្ត អ្នកស្ម័គ្រចិត្ត យុវជនកាកបាទក្រហមកម្ពុជា លោកគ្រូអ្នកគ្រូ ប្អូនៗជាសិស្សានុសិស្ស និងប្រជាពលរដ្ឋក្នុងស្រុកកណ្តៀង ឃុំអន្លង់វិល ទាំង ១៦ភូមិ សរុបមានចំនួន ៤៣៥នាក់ ស្រី ២៧០នាក់ ហើយកម្មវិធីនេះប្រារព្ធធ្វើឡើង នៅភូមិបឹងឈូក ឃុំអន្លង់វិល ស្រុកកណ្តៀង ខេត្តពោធិ៍សាត់។

ទិវានេះ ប្រារព្ធឡើងក្នុងគោលបំណង រួមចំណែកលើកកម្ពស់ការផ្តល់ព័ត៌មានជាមុន និងលើកកម្ពស់ការយល់ដឹងជាសាធារណៈស្តីអំពី ការកាត់បន្ថយហានិភ័យនៃគ្រោះមហន្តរាយ បម្រែបម្រួលអាកាសធាតុ បញ្ហាសុខភាព និងចលនាកាកបាទក្រហម អឌ្ឍចន្ទក្រហម តាមរយៈបណ្តាញកាកបាទក្រហមកម្ពុជាពីថ្នាក់ជាតិដល់មូលដ្ឋាន ហើយទិវានេះមានការគាំទ្រថវិកាពីសហព័ន្ធអន្តរជាតិ កាកបាទក្រហម អឌ្ឍចន្ទក្រហម។


...

ពិធីប្រគល់ប្រាក់កម្ចីខ្នាតតូចឥតការប្រាក់ របស់កាកបាទក្រហមកម្ពុជា មូលនិធិវើលម៉េត

កាលពីថ្ងៃទី ២៦ តុលា ២០១៦ វេលាម៉ោង១៤ម៉០០នាទី នៅអនុសាខា កក្រក ស្រុកលើកដែកខេត្តកណ្តាល ឯកឧត្តម កៀង វឌ្ឍនៈ រួមជាមួយ អាជ្ញាធរមូលដ្ឋាន លោក មេឃុំ និងអ្នកស្ម័គ្រចិត្ត កក្រក ទទួលបន្ទុកការងារប្រាក់កម្ចី បានប្រគល់ប្រាក់កម្ចីខ្នាតតូច ជូន​ប្រជាជន នៅភូមិព្រែកតូច និងភូមិព្រែកដាច់ ស្រុកលើកដែក ខេត្តកណ្តាល ចំនួន១៤គ្រួសារ ដើម្បីយកទៅប្រកបរបរ អាជីវកម្ម បង្កើនជីវភាពរស់នៅឱ្យមានភាពប្រសើរ ។

 

ក្នុងឱកាសនេះ ឯកឧត្តម បានមានប្រសាសន៍ សូមថ្លែងអំណរគុណដល់ក្រុម​ការងារ​ប្រាក់កម្ចី ដែលខិតខំអនុវត្តការងារបានល្អប្រសើរកន្លងមក និងជាពិសេសកោត​សរសើរដល់​ប្រជាពលរដ្ឋ ដែលបានរកប្រាក់នេះ ទៅរកទទួលទានដើម្បីបង្កើនជីវភាពរស់នៅចៀសឆ្ងាយពី​ភាពងាយរងគ្រោះនានា ហើយដែលបានបង្វិលប្រាក់សងវិញគ្រប់ចំនួននិងទាន់ពេលវេលា​ជានិច្ច។

 

ប្រជាពលរដ្ឋទាំងអស់ បានថ្លែងអំណរគុណដល់ កក្រក ដែលមានសម្តេចកិត្តិព្រឺទ្ធ​បណ្ឌិតជាប្រធាន  ដែលបានផ្តល់ប្រាក់កម្ចីគ្មានការប្រាក់នេះ ជូយប្រជាពលរដ្ឋដែលក្រីក្រ ខ្វះខាត ដើម្បីបង្កើនជីវភាពគ្រួសារ ដោយមិនប្រកាន់បក្សពួក ឬ គណបក្ស នយោបាយណា​មួយឡើយ។

 

...

កាកបាទក្រហមកម្ពុជា ប្រកាសតែងតាំងប្រធានកិត្តិយសសាខាកាកបាទក្រហមកម្ពុជាខេត្តព្រះវិហារ

នាព្រឹកថ្ងៃទី ២៦ ខែតុលា ឆ្នាំ២០១៦ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញជាអធិបតីភាព ក្នុងពិធីប្រកាសតែងតាំងប្រធានកិត្តិយសសាខា ឯកឧត្តម អ៊ុន ចាន់ដា ជាប្រធានកិត្តិយសសាខាកាកបាទក្រហមកម្ពុជាខេត្តព្រះវិហារ អាណត្តិទី៤ ដែលមានការអញ្ជើញចូលរួមពីសមាជិកភាពមកពីក្រសួង ស្ថាប័ន អង្គភាព និង មន្ត្រីប្រតិបត្តិសាខា យុវជន អ្នកស្ម័គ្រចិត្តិ និងយុវជនសហភាពសហព័ន្ធ សរុបចំនួន ៣៧១នាក់ ហើយពិធីនេះបានប្រារព្ធធ្វើឡើងនៅក្នុងបរវេនសាលាខេត្តព្រះវិហារ។

 

ស្ថិតក្នុងឱកាសដ៏ថ្លៃថ្លានេះដែរ ឯកឧត្តម អ៊ុន ចាន់ដា សូមថ្លែងនូវសេចក្តីសោមនស្សរីករាយឥតឧបមា ដែល លោកជំទាវអគ្គលេខាធិការ ជាពិសេសសម្តេចកិត្តិព្រឹទ្ធបណ្ឌិតប្រធាន ដែលបានផ្តល់សេចក្តីទុកចិត្តតែងតាំងជាប្រធានកិត្តិយសសាខា ដើម្បីដឹកនាំសាខាកាកបាទក្រហមកម្ពុជា ខេត្តព្រះវិហារ ដើរតាមមាគាមនុស្សធម៌របស់សម្តេចកិត្តិព្រឹទ្ធបណ្ឌិតប្រធាន ក្នុងការជួយជនដល់រងគ្រោះ និងងាយរងគ្រោះក្នុងខេត្តព្រះវិហារ។

ជាទីបញ្ចប់ លោកជំទាវអគ្គលេខាធិការ បានកោតសរសើរចំពោះការងារមនុស្សធម៌របស់សាខាកាកបាទក្រហមកម្ពុជាខេត្តព្រះវិហារ ដែរតែងតែបានជួយដល់ប្រជាពលរដ្ឋរងគ្រោះ និងងាយរងគ្រោះបានទាន់ពេលវេលា និងសូមឲ្យសាខាបន្តជួយដល់ជនរងគ្រោះ និងងាយរងគ្រោះឲ្យកាន់តែប្រសើរជាងមុនតាមបាវចនារបស់កាកបាទក្រហមកម្ពុជា ថា ធ្វើឲ្យបានកាន់តែច្រើនជាងមុន ធ្វើឲ្យបានកាន់តែល្អជាងមុន ធ្វើឲ្យបានកាន់តែស៊ីជម្រៅ និងទៅឲ្យបានកាន់តែឆ្ងាយជាងមុន៕

 

...

កាកបាទក្រហមកម្ពុជា អញ្ជើញចុះសួរសុខទុក្ខ និងនាំយកអំណោយមនុស្សធម៌ជូនដល់និវត្តន៍ជន

នារសៀលថ្ងៃទី ២៥ ខែតុលា ឆ្នាំ២០១៦ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា និងលោកជំទាវ ចឹក ហេង ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះវិហារ បានអញ្ជើញចុះសួរសុខទុក្ខ និងនាំយកអំណោយមនុស្សធម៌ ជូនដល់និវត្តន៍ជនសាខាកាកបាទក្រហមខេត្តព្រះវិហារ ចំនួន ២គ្រួសារ ដល់គេហដ្ឋាន លោក ឈឹម សំអឿន អាយុ ៧៦ឆ្នាំ អតីតប្រធានគណៈកម្មាធិការសាខា នៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ និងលោកស្រី ឈៀក លាងគ្រី អាយុ៧៧ឆ្នាំ អតីត នាយិកាសាខា នៅភូមិគោកបេង សង្កាត់កំពង់ប្រណាក ក្រុងព្រះវិហារ។

 

អំណោយប្រគល់ជូនរួមាន៖ អង្ករ ៦០គីឡូក្រាម មី២កេស ត្រីខ ២០កំប៉ុង ទឹកអ៊ីវ១យួរទឹកសុទ្ធ ២កេស អាហារបំប៉ន ១កេស និងថវិកាមួយចំនួន។

1 2 3 4 5 Next Last
ព័ត៌មានផ្សេងៗ
សេវាយើង

នារសៀលថ្ងៃទី០៧/០៩/១៦ គម្រោងកម្មវិធីសុវត្ថភាពសហគមន៍ ដឹកនាំដោយលោក មុំ ភិរក្ស ប្រធានគម្រោង​និងសហការី បានសហការជាមួយសាខា និងអនុសាខាស្រុកអន្លង់វែងបើកវគ្គផ្សព្វផ្សាយ ស្តីពីការស្តារទំនាក់ទំនងគ្រួសារ សេវាកម្មប្រាក់កម្ចីឥតការប្រាក់ និងអប់រំការយល់ដឹងពីមីន និងសេវាកម្ម ជនរងគ្រោះដោយសារគ្រប់មីន  ជូនអ្នកស្ម័គ្រចិត្តកាកបាទក្រហមឃុំត្រពាំងប្រីយ៍ស្រុកអន្លង់វែងចំនួន២០ នាក់ស្រី៨នាក់ ក្នុងគោលបំណងបំប៉នចំណេះដឹងជូនអ្នកស្ម័គ្រចិត្ត​ និងបន្ត អនុវត្តផ្សព្វផ្សាយនៅក្នុងសហគមន៍ពួកគេ ឲ្យកាន់តែមានប្រសិទ្ធភាព និងទូលំទូលាយជាងមុន។

អានបន្ថែម...

កម្មវិធីសុវត្ថិភាពសហគមន៍៖ ក្នុងខែសីហាកន្លងទៅ បុគ្គលិកនិងអ្នកស្ម័គ្រចិត្តនៅសាខាខេត្តពោធិ៍សាត់ បន្ទាយមានជ័យ ឧត្តរមានជ័យ និងព្រះវិហារ បានធ្វើសកម្មភាពដូចខាងក្រោម៖
- អប់រំផ្សព្វផ្សាយអំពីមីន សុខភាពអនាម័យទឹកស្អាត សុវត្ថិភាព ចរាចរ មានអ្នកចូលរួមចំនួន ១១៨៦នាក់។
- ផ្តល់ប្រាក់កម្ចីគ្មានការប្រាក់ចំនួន ២៣គ្រួសារ (ពិការ ៨គ្រួសារ) ដើម្បីប្រកបរបរចិញ្ចឹមសត្វ លក់គ្រឿងទេស កាត់ដេរ និងជួសជុល ម៉ូតូ។
- ផ្តល់បង្គន់អនាម័យចំនួន ១៧៩បង្គន់ដល់គ្រួសារក្រីក្រនៅក្រុង ប៉ោយប៉ែត និងឃុំអូរបីជាន់ស្រុកអូរជ្រៅខេត្តបន្ទាយមានជ័យ។

អានបន្ថែម...

នៅព្រឹកថ្ងៃទី ៣០ ខែសីហា ឆ្នាំ២០១៦នេះ សាខាកាកបាទក្រហមកម្ពុជា ខេត្តសៀមរាប បានបើកវគ្គ បណ្តុះបណ្តាលស្តីពី ពិការភាពក្នុងការងារសុវត្ថិភាពចរាចរណ៍ ដល់យុវជន និងអ្នកស្ម័គ្រចិត្តកាកបាទក្រហមកម្ពុជា នៅវិទ្យាល័យ ហ៊ុនសែន ស្វាយធំ ស្រុកប្រាសាទបាគង ដោយមានការអញ្ជើញចូលរួម ពីសំណាក់លោក ស៊ុំ សំអន នាយកសាខាកាកបាទក្រហមកម្ពុជា ខេត្តសៀមរាប និងលោកសមាជិកគណៈកម្មាធិការអនុសាខា លោកនាយកវិទ្យាល័យ ព្រមទាំងសិក្ខាកាមដែលចូលរួមមកពីមន្ត្រីប្រចាំការអនុសាខា ក្រុមកាកបាទក្រហមកម្ពុជាឃុំកណ្តែក អ្នកស្ម័គ្រចិត្តកាកបាទក្រហមកម្ពុជាភូមិ និងយុវជនកាកបាទក្រហមកម្ពុជាសរុបចំនួន៤០នាក់អញ្ជើញជាសិក្ខាកាមផងដែរ។

 

មានប្រសាសន៍បើកវគ្គបណ្តុះបណ្តាលស្តីពី ពិការភាពក្នុងការងារសុវត្ថិភាពចរាចរណ៍ ដល់យុវជន និងអ្នកស្ម័គ្រចិត្តកាកបាទក្រហមកម្ពុជា នាពេលនោះដែរ លោក ស៊ុំ សំអន នាយកសាខាកាកបាទក្រហមកម្ពុជា ខេត្តសៀមរាបក៍បានមានប្រសាសន៍ថាវគ្គបណ្តុះបណ្តាលនេះ គឺក្នុងគោលបំណង ផ្តល់ចំណេះដឹងដល់ យុវជន និងអ្នកស្ម័គ្រចិត្តកាកបាទក្រហមកម្ពុជា អំពីពិការភាព ស្ថានភាពគ្រោះថ្នាក់ចរាចរណ៍ និងច្បាប់ចរាចរណ៍ផ្លូវគោក លើកកម្ពស់សិទ្ធជនពិការ និងលប់បំបាត់ ការរើសអើងគ្រប់រូបភាពមកលើជនពិការ និងការកាត់បន្ថយអត្រាគ្រោះថ្នាក់ ស្លាប់ របួស ពិការ ដោយសារគ្រោះថ្នាក់ចរាចរណ៍ និងបង្កាមិន ឱ្យជនពិការក្លាយជាជនរងគ្រោះលើកទី ពីរដោយសារ​តែជួបគ្រោះថ្នាក់ចរាចរណ៍។

អានបន្ថែម...

ក្នុងខែកក្កដាកន្លងទៅនេះ កម្មវិធីសុវត្ថិភាពសហគមន៍ទីស្នាក់ការកណ្តាលកាកបាទក្រហមកម្ពុជា បានអនុវត្តសកម្មភាពតាមខេត្តគោលដៅដូចជា ខេត្តពោធិ៍សាត់ បន្ទាយមានជ័យ ឧត្តរមានជ័យ និងព្រះវិហារ។

 

សកម្មភាពទាំងនោះមាន៖
១.ផ្តល់ការអប់រំអំពីមីន គោលការណ៏កក្រ សុខភាពអនាម័យ ច្បាប់ចរាចរ វិធីសង្រ្គោះបឋម គ្រឿងញៀន អំពើហឹង្សាក្នុងគ្រួសារ មានអ្នកចូលរួមចំនួន ៩១៤នាក់។


២.ផ្ដល់ប្រាក់កម្ចីដល់គ្រួសាររងគ្រោះដោយសារមីននិងគ្រួសារក្រីក្រខ្វះលទ្ធភាពដើម្បីប្រកបរបរចិញ្ចឹមជីវិតចំនួន ២១ គ្រួសារ ស្រី ១៧គ្រួសារ (ពិការចំនួន ១៤ គ្រួសារ ស្រី ២គ្រួសារ) អស់ទឹកប្រាក់ ចំនួន ៣៦៥០ដុល្លារអាមេរិក។


៣.ផ្តល់បង្គន់អនាម័យចំនួន២១គ្រួសារនៅភូមិអូរបីជាន់ និង១៨គ្រួសារនៅភូមិព្រៃចាន់ឃុំអូរបីជាន់ស្រុកអូរជ្រៅខេត្តបន្ទាយមានជ័យ៕

 

 

អានបន្ថែម...

ព័ត៌មានផ្សេងៗ